၂၇ နှစ်တာကာလအတွင်းမှာ ပြည်သစ်တည်ဘာတွေလုပ်ခဲ့လဲ
ညက ပြန်စဉ်းစားမိတယ်..
သူများဒုကရောက်အောင်ဘာများလုပ်ခဲ့မိသလဲ
ဘာမှတော့ မလုပ်ခဲ့ဘူးပါဘူး..
(ဒီလိုပဲတွေးရမှာပေါ့ :P)
သူများတွေကိုဘာများထူးထူးခြားခြားကူညီခဲ့လဲ.
့ထူးထူးခြားခြားသိပ်မရှိပါဘူး..
သူများကိုကူညီတယ်ဆိုတာက ကိုယ်ကလည်းကူညီနိုင်တဲ့အဆင့်တစ်ခုမှာ
ရှိနေမှ ကူညီနိုင်တာမျိုးလေ..
ပြည်သစ်တည် က အဲ့ဒိလောက်အထိ မမြင့်မားသေးပါဘူး..
ဒီနေ့ ပထမဆုံး သတိရမိတာက အမေ..
မနေ့ညကတောင်ဖုန်းဆက်လိုက်သေးတယ်..
အမေ့အသံက အရင်ကအတိုင်းပဲ..
ဘာမှမပြောင်းလဲဘူး..
ပြောင်းလဲတာက ပြည်သစ်တည်ကို happy birthday လို့ ပြောတာပဲ
ပြည်သစ်တည် အခု ၂၇ နှစ်ရှိပြီ
အမေတစ်ခါမှ အခု လိုမပြောဘူးဖူး..
ပြည်သစ်တည်မွေးနေ့ဆို ဘုရားသွားပေးတယ်..
တစ်ခြား ကုသိုလ်ကောင်းမှုတစ်ခုခုလုပ်ပေးတယ်..
ဒီနေ့သားမွေးနေ့နော် လို့ပဲပြောဖူးတယ်..
အင်္ဂလိပ်လိုတစ်ခါမှ မပြောဖူးဘူး..
နောက်ညီတော်မောင်
ဟ ဟ ဒီကောင်ကလည်းဆုတောင်းပေးလိုက်ပါတယ်..
လင်းလင်း
သူကတော့သူများတွေထက်ဦးအောင်တဲ့
တင်္နလာနေ့ကတည်းက ဆုတောင်းပေးသွားတယ်..
ကိုဇက်ကတော့
အလုပ်တွေမအားတဲ့ ကြားထဲကနေ ကတိုက်ကရိုက်
ကဗျာလေးတစ်ပုဒ်ရေးပြီး လက်ဆောင်ပေးတယ်..
သူ့လက်ဆောင်အယူအဆကလည်းကောင်းပါတယ်..
ပုံတူအရင်ဆွဲထားပြီးမှ တူတဲ့ သူလိုက်ရှာတဲ့နည်းတဲ့
နောက်ထပ်နှုတ်ဆက်တဲ့
ညီလေး johnbravoster
မနှစ်က မွေးနေ့ကို သတိရတယ်..
သူငယ်ချင်းတွေနဲ့ လင်းလင်းနဲ့ မနက်စာသွားစားကြတယ်..
ရုပ်ရှင်ကြည့်တယ်..
အဲ့လိုအချိန်လေးတွေပြန်ရနိုင်ပါ့အုံးမလား..
ပြန်ရခဲ့သော်လည်း အဲ့အချိန်တုန်းက ခံစားမှုမျိုးကို ဘယ်လိုခံစားလို့ရနိုင်တော့မှာလဲ..
ဒီနေ့ဟာ ခါတိုင်းမွေးနေ့တွေနဲ့မတူတဲ့ မွေးနေ့ဖြစ်မှာပါ.
အလုပ်နဲ့ နေတဲ့အခန်းကျဉ်းလေး...
အခန်းကျဉ်းလေးနဲ့ အလုပ်...
နှစ်ခုကြားက ဘယ်တော့များမှာ ရုန်းထွက်နိုင်မလဲမသိဘူး..
ပိုက်ဆံကို ရှာနေရတဲ့ ဘ၀ ကနေ ပိုက်ဆံက ကိုယ့်ကိုပြန်ရှာရမယ့် ဘ၀ကို
တစ်ခါတစ်လေစဉ်းစားမိတယ်..
အော် ... အဲ့လိုဘ၀မျိုး ဘယ်တော့များမှ ရောက်မလဲ..
အခု တော့ ပြည်သစ်တည် မသိတဲ့ server problem တစ်ခုကို ခေါင်းကိုက်ခံပြီ
ဖြေရှင်းရအုံးမယ်..
အလုပ်တွေကြားထဲက ... ပျော်ရွင်စရာကောင်းတဲ့မွေးနေ့ဖြစ်ပါစေ ပြည်သစ်တည်ရေ ...
ဒီနေ့မှာမွေးဖွားခဲ့သူတွေကို ပြည်သစ်တည်သိသလောက်ပြောပြမယ်.. :D
Hugh Grant
James Hilton
နေတိုး
ကိုယ်နဲ့သိသိမသိသိ
ဒီနေ့မွေးဖွားတဲ့သူတွေအားလုံးကို Happy Birthday ပါ..
ပြန်ပြီးဆုတောင်းနိုင်သူရော ဆုမတောင်းနိုင်ကြတဲ့သူတွေအားလုံးကိုရည်ရွယ်ပါတယ်...
No comments:
Post a Comment